خطبه على لسان الامبراطور مبارك

خطبة الملك المفدى خادم الهرمين ملك المملكة العربية المباركية - "مصر المهروسة" سابقا-
ورئيس الحزب الوثني البيروقراطي

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر انسطال

أحبـك مكبـر دماغـك مخـدر ممشـّي امورك كدة باتكال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس واحب اللي بائس و احب اللي محبط وشايف محال

واحبك تســـافر وتبعد تهاجــر وتبعت فلوسك دولار أو ريال

واحبك تطبـّل وتهتف تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك.. لايمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل ها حبك.. هترفض هلِبـّك هتطلع هتنزل هاجيبلك جمال!!

اقسم بالله القصيده دي عملتلي هيستريا ضحك
واحنا بليل والجيران
هيقموا يصوتوا مني حالا
بجد جامده موت
رغم انها اصلا تحزن الشعب علي نفسه
وكل كلمتها سخريه بس بتمس حاجات كتير جدا واقعيه
بس بضم وتختصر موضوع كبير اوي وقصه شعب مطحون

موضوع جامد ومميز جدا
بالتوفيق يارب
تقبل مروري

واوووووووووووووو
جيله جدا
أيه الحلاوه دى

بجد الموضوع بيبين مدى مأساه الشعب المصرى

وكيف هو شعب صبور
شعب مهروس
ههههههه

شكرا على الموضوع

تقبل مرورى

هههههههههههههههههههههههههه الموضوع مش جديد بس كل لما اشوفها اضحك تسلم ايدك وبالتوفيق يارب

ههههههههههههههههههههههههههه
كلنا مش هنبات فى البيت الليلة