يابهدلتك ياشعب مصر بعد " ثورة يوليو "

يابهدلتك ياشعب مصر بعد "ثورة يوليو"
قامت ثورة يوليو
للتخلص من النظام الملكي الفاسد
والاستعمار
والرأسمالية المستغلة
طردنا الملك
وطردنا الانجليز
وقضينا على الإقطاع
والرأسمالية المستغلة
وتمتع الشعب الغلبان
بمجانية التعليم
ومجانية العلاج
ودعم السلع الأساسية
ورفع الشعب راسه
وعاش حلم جميييييييييل
حلم الحرية
والاشتراكية
والوحدة
والسد العالي
والمصانع الحربية
والحديد والصلب
وغنينا مع عبدالحليم
لهذه الصورة الجميلة
لهذا الحلم اللذيذ
وأفقنا على هزيمة قاسية
اكتشفنا بعدها
إننا انشغلنا بتأمين النظام
عن حماية الأمن القومي
اكتشفنا إننا إخترنا الأسوأ
اخترنا الاستبداد
والديكتاتورية
اللي مابتفرخش
غير الفساد
والذل
وراح ناصربعد ماوحلنا
وورث السادات حكم الفرد
ومشى - كما وعد -
على خطى ناصر
لكن بالأستيكة
وقام بثورة على الثورة
شعارها الانفتاح والتعددية
ومزيد من الحرية
وبدأ يتخلى تدريجيا عن الفقراء
حين بدأ الانفشاخ
أقصدة الانفتاح الغير مخطط له
واطحن الشعب
لكنه صبر لإزالة آثار العدوان
وانتصرنا في أكتوبر
لكن طلعت لديموقراطية السادات
مخالب وأنياب
وراح السادات بعد ماوحلنا
بخطيئة كامب ديفيد
اللي خلت سيناء رهينة للصهاينة
واللي لها بنود سرية
عشان ضد أمننا القومي
وجه مبارك ليحمل هذا الإرث الثقيل
ولم يكن أمامه أي تحدي
سوى التنمية
وإصلاح البلد
لكن البلد في النازل
لغاية ماوصلنا للحضيض
في كل شئ
التعليم
الإعلام
البحث العلمي
الصناعة
الاقتصاد
الرياضة
الفن
كله اتدهور
واتخلينا عن المواطن الغلبان
علاج مافيش
وظايف مافيش
جواز مافيش
تعليم بالفلوس
سواء تعليم خاص
أوتعليم عام متغمس
بالدروس الخصوصية
حتى حدودنا الشرقية
الصهاينة ماقدرتش ظروفنا
وماسمحتلناش بكام عسكري زيادة
عييييييييييييييب يامصر
والمخيف
البعبع الذي حير الحليم
" التوريث "
اللي لوتم لاقدر الله
حانكون مشينا
في دايرة مغلقة طولها 60 سنة تقريبا
بدأناها بثورة على الملكية
والليبرالية المتوحشة
وأعلنا الجمهورية
وقرارات يوليو الاشتراكية
والتأميم
والقطاع العام
والليبرالية نص نص
والخصخصة
وبيع الأصول المملوكة للدولة
والليبرالية المتوحشة
ثم
أخيرا
وصلنا بالتوريث الى
عودة
الملكية
أو الملكورية
أو الجمهوركية
أرجو أن ينقذنا مبارك من هذا الكابوس
والله هو وحده - أي مبارك - اللي يملك
الحل الهادئ
الآمن
السلمي
المسئول
الذي يبعد مصر عن الفوضى الخلاقة
اللي بيخطط لها أعدائنا
مصر مش الصومال
مش العراق
مش هوتو وتوتسي
مصر ماتستاهلش
كل اللي بيحصلها ده
ياسيادة الرئيس

مش تفكرنا بحالنا يا محمد بقى
غاوى تقلب علينا المواجع
مصر خلاص
بقت في الضياع
بس احنا شايفين ان مصر متستاهلش اللى بيحصلها
يمكن الحكومة والرئاسة ليها رأى تانى
بس مهما حصل مصر هتفضل مصر
أم الدنيا
بلد الأمن والامان