الله يكون فى عونك ...........

ازيكو
اسم غريب للموضوع
بس بجد الله يكون فى عونك ياللى
عايش ومش فاهم انت عايش ليه
بجد ربنا يكون فى عونك ياللى مبتحسش بألم غيرك
ياللى مزعل امك
ياللى شايف نفسك زياده عن اللزوم
ياللى جمعت فلوس الدنيا ومعملتش حاجه لنفسك
اولا الله يكون فى عونك ياللى عايش ومش واضع لنفسك هدف
هتتعب اوى
هتلاقى مين يساعدك فى ايامنا دى
مظنش
اعمل لنفسك هدف قريب وحاول انك تحققه
ثانيا : الله يكون فى عونك ياللى
عايش ومش همك الا نفسك
هتخسر كتير
عندما تجد نفسك تقع وتتهاوى لن تجد من يساعدك
انظر لمن حولك ماذا اقدم لهم
حاول ولو بالشئ البسيط
اللى تقدر عليه
حاول تحس بغيرك
ثالثا :بجد الله يكون فى عونك ياللى مزعل امك
لما انت زعلت امك سبت ايه للناس
امى عذرا فإنى كثيرا اخطأت فى حقك فسامحينى

رابعا: الله يكون فى عونك ياللى شايف نفسك زيادة عن اللزوم
طب شايف نفسك على ايه انا مش محمد فؤاد بس شايف نفسك على ايه بجد ؟
عملت ايه عشان تبقى كده
ممكن تكون حلو شويتين
غنى وماله ناس كتير اغنيا
بس بجد عملت ايه فى دنيتك يخليك راضى عن نفسك
فكر شويه ولو كنت عملت يبقى ليك حق انك تشوف نفسك
بس من تواضع لله رفعه
خامسا : الله يكون فى عونك ياللى جمعت فلوس الدنيا ومعملتش لنفسك بيها اى حاجه

مقصدش انه يعيش فى اسراف
لا عملت ايه لاخرتك
طب انت هتموت وهتسيب الفلوس دى كلها للى بعدك
مش بقلك تشطب على ولادك
لا
بس بجد شوف فى ناس كتير عاوزين مساعده ساعدهم
حاول تسيب ذكرى كويسه مع الناس
وياريتك تكمل جميلك وتكون فى السر الحاجات اللى بتعملها

بجد مع انى لسه بحاول اكتب جديد بس لسه مش عارف اتكلم كويس بس ياريت الكلام ده يكون وصل
زى ما انا اقصده

ولو حد عنده اضافه يتفضل الموضوع مفتوح

الله يكون في عونك
ياللي جواك احساس بتخاف من الناس ومبتخاف من رب الناس
الله يكون في عونك ياللي بتبكي بجروح علي كل شئ بيروح
الله يكون في عونك ياللي
دموع قلبك مابتوصل لعيونك ولا حدش داري بيك

تسلم ايديك يا ساند

الله يكون فى عون الجميع
اللى مش بيسامح ولا بيقدر
موضوعك اكتر من روعه
تمنياتى بالتوفيق
تقبل مرورى

الله يكون فى عونك يا ساند
هههههههههههههه

الله يكون فى عونك يالى
بتعصى ربنا
يالى فعلت كل الجرائم
يالى عامل مشاكل مع جيرانك
الدنيا مش مستاهله كل ده
الله يكون فى عونك يالى
مش عايز تصلى
يالى
مش عايز تتوب
الله يكون فى عون الجميع

شكرا على الموضوع الرائع
والمتميز ده
بجد رائع
وبجد
لما الواحد يكتب من دماغه بيكون الكلام كويس ورائع
هنحاول ان شاء الله
نعمل مثلك
نكتب من دماغنا
كل الموضوعات
تسلم يا غالى

تقبل مرورى

الله يكون في عونك يالي
يالي جواك احساس
يالي بتخاف على الناس
يالي بتحس بغيرك .. لوحتى محسش غيرك
يالي بتبكي مجروح على كل شئ بيروح
يالي دموع قلبك مبتوصلش لعيونك
.
.
.
حجات مجروحة فيك
ومحدش داري بيك
شايل جواك هتتعب
بيعك ولا شريك
كله بيصعب عليك... وانت على مين بتصعب
.
.متميز يا ساند بجد
موضوع روعة
تسلم ايدك
بالتوفيق
ودائماا للامام وللتميز
تقبل مرورى

يسلموووووووووووووووووو ساند
موضوع رائع
تقبل مرورى

كلام جميل جداا ساند
تسلم ايدك
تقبل مرورى