تعالي فكر معايا

السلام عليكم ورحمه الله
تعالي فكر معايا 329-m3an

ياصباح الياسمين

صباح الزهور
صباح الللي بتغني

انا هسال كل واحد

اذيك ؟ عامل ايه ؟ ايه اخبارك ؟
اخبار الدنيا معاك عامله ايه ؟

متضحكوش بس

ورد كده وطمنونا عليكم

ها رديتوا ع الاسئله ولا ايه

................ام نشوف
وبعد السلامات
والتحيات عشان كتر السلام يقل المعرفه

كل واحد يجيب مرايا
ولا اقولكم بلاش مرايا عشان الفضايح والواحد لسه ع الصبح
هههههههههههههههههههههه
بسم الله نبدا
عارفين احنا كام في الشهر الهجري
17 شعبان يعني ليله النصف من شعبان

اوه انتهت خلصت راحت
فاتك كتير صح .......؟
طيب صومتها ؟.....طيب دعيت فيها ؟..... افتكرتها اصلا
ولا افتكرت الموسم هههههههههههههه
عارفين شعبان ياجماعه ده سمي شعبان عشان بتشعب فيه القبائل
طبعا كلكم هتسالوا ايه البت المهيسه ع الصبح دي
لا والله ماهيسه ولا حاجه

بص ياسيدي شعبان شهر بترفع فيه الاعمال
واحنا خلاص في المنتصف الاخير منه
ايه رايكم كل واحد يصوم اللي يقدجر عليه
سمعتك انت اللي قاعد ع الشمال بتقول ايه ايه ايه
رمضان جاي هنصوم ماكفايا رمضان مش عيب واحد زيك كده ربنا مديله صح ويقول كدا
تيب ام نشوف اخرتها بقا

طيب بنصلي فيه كويس ملتزمين صح يعني
بندعي ان ربنا يغفر لنا
ده الاستغفار بيمحي الذنوب

عايزين ترفع اعمالنا ربنا تكون عطره وجميله
واللي مخاصم حد يصالحه
عشان ترفع الاعمال الاتنين اللي وره سامعين
ايوه انت سامع اللي مخاصم حد
يصاااااااااااااااااااااالحه والمسامح كريم
واحنا داخلين علي شهر كريم

وانت يا واد بطل بصبصه لزملتك
غض بصرك عيب
ناوين تعملوا ايه في رمضان هههههههههههههه سمعتك ياخفيف
انت لسه هتقول وحوي يا وحوي

هتقسم يومك ازاي
هتلتزم فيه بنسبه ايه
طيب الراجل اللي بلغ بقا
وربنا فتحها عليه
فكرت في الصدقه ؟ والذكاه ؟
طيب فكرت تقف علي ناصيه شارعكم
وتوزع بلحه علي اللي حتا جايين بيتهم متاخرين
والله عندنا في منطقتنا شباب زي الورد بيقفوا بعصاير بيشتركوا فيها
ويجيبوها ويعملوا الله ع المنظر
بتنسي انك صايم اصلا
بتبقا فرحان وفخور بنفسك انك بتعمل حاجه في سبيل الله
يااه ع الجمال وانت بتروي عطش صايم وخصوصا رمضان جاي في الصيف يامعلم
هتقضيها نوم ولا ايه لا اصحي صح صح فوق
انتبه ليا كده
فين قرايه القراءن بتمعن ده الوسيله للخطاب بينا وبين ربنا عايز تكلم ربنا اقري القراءان
بتمعن بتمعن بتمعن
كلمه مش طول النهار ع الماسنجر وتكلم مش هتاخد من وقتك انك تكلم ربنا اللي احسن من الكل

طيب حد فينا اتولد عرف يمشي غير بالتعود حد فينا اتولد بقا يحس بالامان للي حواليه غير بالتعود
عود جسمك علي الخشوع لله
اغلط واستغفر وتوب
وعود جسمك علي الخشوع مااجملك وانت في صلاه الجماعه بتبكي من خشيه ربنا ولقاء الله
متقولش كرامه لو بصيت للكرامه ايه يخليك اصلا تسجد لله طالما حطيت الكرامه
بص دايما انك بين ايدين الله وايه ياعني لما تعيط وتبكي لله وتقوله يارب
جربت تشوف الشفق وجماله وفي الوقت ده تشوف جمال الكون وصناعه الله فيه شوف الشفق وقول الله علي
صنعك يارب
كلم ربنا حس بكل شئ وانت بتكلمه عود جسمك انك وانت بتقول يارب ايديك وقلبك ولسانك وعنيك كل شئ فيك بتقول يارب

تعالي فكر معايا Image

ويارب يهدينا ويهديكم
واسفه ع الدخله الغريبه ديه
بس نوع من الفكاهه

اختكم في الله زهره زاد
حبيبه الملايين هههههههههههههههههههه

تعالي فكر معايا 105fca48cbhl7

وردتي حبيتي

يارب اسلوب كتابتي يعجبوكو
اصلا والله مش عارفه
هيكون ليه صدي عندكم ولا لاء
بس اللي ربنا قدرني عليه هعملوه

وابسطوا
هيخليه مليان صور

تعالي فكر معايا 105fca48cbhl7

حكم صيام أو قيام ليلة النصف من شعبان
لفضيلة الشيخ محمد الشنقيطي
على هذا الرابط
http://www.islamway.com/?iw_s=Fatawa&iw_a=view&fatwa_id=6015

والدال على الخير كفاعله

موضوعك متميز واكثر من رائع
بس ياريت الكل يستمع لحكم صيام ليلة النصف من شعبان
والله الموفق
تحياتى

تسلمى زهرة مواضيعك ممتازة بجد
ودائماا للامام
تقبلى مرورى

موضوع رائع يا زهره
أنتا عامله فى أسلوبك
زى الشيخ
محمد حسين يعقوب
الواح بيكون بيتفرج عليه
ييجى يقوم
يقله أنت رايح فين
زى ما يكون قاعد مع الواحد
أهو أنتى فى حوارك السابق
كنت زيه
بتقرأى الافكار
ههههههههههههههه

موضوع رائع
وأسلوب أروع
دائما متميزه

تقبلى مرورى

والله نورتوني

والرابط ميرسي كتير عليه ياايهاب

بس ياريت كل واحد يقري كويس انا طلبت ايه لو سمحتم
انا طلبت تطموننا عليكم الاول
وبعدين تقولولنا استعديتوا ولا لاء لرمضان
ولا هيكون زي اللي قبله
وشوفوا الامثله اللي قولتها
وتسلموا يارب علي مروركم العطر

معلشى
أصلى بحسبك بتقولى
نجاوب على الاسئله دى بين أنفسنا
وعلى العموم
الاجابه أهه

اذيك

أنا تمام الحمد لله

********************

عامل أيه

عامل جمعيه
هههههههه

************

أيه أخبارى

أخبارى فى الجريده

***********

أخبار الدنيا معاى
شويه كده وشويه كده
محدش بيسلم من غدرها
بس الحمد لله على كل شئ

والحمد لله
بنعمل على قدر ما نقدر
علشان نستعد لرمضان كويس
ونقابله
بأجمل الطاعات والعبادات
لله وحده لا شريك له

شكرا مره تانيه على الموضوع
تقبلى مرورى
تحياتى للجميع

تسلمى يا قمر موضوعك بجد روعة
تقبلى مرورى

سلم قلمك يا زهره

ميرسى على الكلام الجميل

وننتظر جديدك ان شاء الله