حل مشكله

ياريت لو فى اى عضو عنده اى مشكله
ممكن نشاركه فى حلها
لان انا بقول كل الاعضاى اخوه
ومش شرط يعبر عن المشكله كلها ممكن
يقول نبذه مختصره عنها
والله المستعان
تحياتى لكم جميعنا
الثعلب الصغير

ميرسي على الموضوع ربنا يخليك لينا أنا عندى مشكلة ناس كتير قالولى محتاجة لطبيب نفسي المشكلة انى بخاف جدا من كل حاجة في الدنيا الا الموت عمرى ما خفت منه أبدا وبيييجى عليا أوقات بتمنى الموت وبخاف من كل حاجة حلوة بتحصلي في حياتى بخاف لما ألا قي صديق أو صديقة أوفياء ومخلصين وبخاف من الحب مع انى عايشة فيه وبخاف من الغدر والخيانة وبخاف من كل حاجة لدرجة انى دايما وحيدة ومش بخطلت بالناس كتير دايما لوحدى وبحب الحزن بس بحاول أضحك وأسعد اللى حواليا حاسة انى منطوية على نفسي أوى مش عارفة أعمل ايه ناس كتير بتقولى انتى كئيبة لانى دايما حزينة ودموعي بتنزل بسرعة مليت من الدنيا ومبقتش عيزاها ومش عارفة أعمل ايه ده جزء من المشكلة وياريت أسمع نصايحك

متخليش كلام الناس يجبلك احباط بصي لنفسك زي ما انتي شايفاها وكمان زي ما حبيبك شايفها
ثم ان في ناس كتير بتخاف من كل حاجه ومبتخافش من الموت (من خاف سلم
وبعدين انتي لازم تختلطي بالناس شويه مش كل الناس لا الناس اللي تحسي انهم بيقدروكي ويحترموكي حتى ولو كنت مبترتاحيش ليهم وكمان حاجه بعد اذنك بلاش الحزن لان الحزن يميت القلوب والضحك يطيل العمر ويعطيه بهجه
ومش هاقدر اتكلم اكتر من كده وربنا يوفقك دائما

ميرسي سكاى على نصيحتك هحاول انفذها يمكن تحل جزء من المشكلة

انا ممكن احلل المشكلة من وجه نظرى وهى فردية تحتمل الصواب وتحتمل الخطأ

اما خوفك من كل حاجه فده نابع من ايمانك بضعف امكانياتك وان لم تكن كذلك؟؟

طب لما هو كده مبتخافيش من الموت ليه؟؟؟؟

لان الموت مش عايز امكانيات ومفيش منه مفر

اما الحزن فانصحك اعرفى ناس مرحين ومخلصين ويكونوا قريبين منك

وعشان تطلعى نت حالة عدم المصداقية اللى عندك...

انصحك بالواقعية وتبعدى عن النت شويه لانه هو الوحيد اللى ضرب الارقام

القياسيه فى مجال تغيير الميول والاتجاهات

خوفك من الحب

لانه بكل صراحه مبنى على مفيش

مع احترامى لحضرتك وصديقى عمرو

خوفك من الناس

لانك مش ماليه ايدك من حد وكل شىء كلام فى كلام

ده ممكن يشعرك بشىء من التوتر

انصحك بالواقعية فى كل شىء

اولا كلام اسكاي كلام جميل
ثانيا كلام محمد انا بصراحه اول مره اعرف ان محمد يقول كلام زي ده
بصراحه كلام مميز جدا
ويمكن المعلومه اللي استفدت منه منها وبشكره عليها كلمه
انصحك بالواقعية وتبعدى عن النت شويه لانه هو الوحيد اللى ضرب الارقام

القياسيه فى مجال تغيير الميول والاتجاهات

دي كان اول مره اعرفها ولما عرفتها منه بجد اقتنعت بيها
هو فعلا النت بيغير كل الميول والاتجاهات جامد وبيحسك بالانطواء علي نفسك اكتر
بتكوني في عالم في شئ من الزيف
مش مبني علي اساس سليم

وعمليه الانطواء اللي عندك لو زادت هتوصلك لحاله انعزاليه وده مش هتعرفي تخرجي منها لانها بجد هتبقا صعبه
مافيش احلي من المرح وعيشي حياتك
واعملي حساب لتفكيرك الصح وبس والله لو عملتي حساب للناس في كل خطوه هتكرهي نفسك
ولو عملتي حساب لربنا في كل خطوه هترفعي بنفسك
والله الموفق
بتمنالك كل خير

مظبوط كلامك يا بوص

حبيتها ولا محبتهاش
الدنيا حلوه ولازم تتعاش
خلى فى بالك دا مش مرض
دى ظاهره طبيعيه تحدث عن البغض
نتيجه موقف حصل لهم
(يعنى أنا مثلا فى ناس كتيره بحبهم جدا ويظهرلى أشياء فى شخصيتهم تجعلنى أكرهم جدا)
نرجع لموضوع حضرتك
زى ما قال زملائى
حاولى الاختلاط بالناس
وحكايه حضرتك مش بتخافى من الموت
دا يرجع الى
أن حضرتك عندك أحباط شديد
وأنا مش بتحبى الدنيا
والمفروض أنا الحب
بيخرج الانسان من كل همومه ومشاكله
حبى الناس حب صادق
ولو نظرتى حولك هتلاقى فى ناس كتيربتحبك
وأولهم أورتن

وكل أصدقائك فى المنتدى

كل واحد من البشر بيخاف من حاجه
واكيد الحاجه دى فى طبيعته وزى ما انتى بتقولى
انا بخاف من كل حاجه الا الموت
دى تبقى اهتزاز فى الشخصيه وياريت
تسعيدى شخصيتك القويه وانتى تلاقى كل حاجه مرتاحه
وده علشان انتى ديما وحيده زى ما بتقولى
لازم تختلطى بالناس وزى ما سكاى قال مش كل الناس
وعلشان خوفك من الحب ده لانك عايشه فى قصه جميله وخايفه تنتهى نهايه غير سعيده
ممكن الطرف التانى هو اللى يشل عنك فكره الخوف من الحب لانه اكيد بيحب بجد
على فكره انا مرت عليا الظروف دى وتخطيتها بكل هدوء
وياريتك تعملى كده

مع خالص تحياتى لكى
الثعلب الصغيرررررررررررررررررررررررررررر
نورتى الموضوع

ميرسي ليكم كلكلم (محمد_ عمرو _ فارس _ زهرة_ عمرو_ثعلب) على نصيحتكم الجميلة دى

يا جماعه انتو مضخمين الامور ليه ولا مرض ولا ضعف ولا حاجه من دول

يويو عندما انتمت الينا لم نرى منها ضعفا

ولكن دعونى اجزم انها انسانه تتميز بالرقه (ده بعد اذنك يا عمووووور) بتخليها تخاف من حاجات يخيل ليها انها بتخوف

وانا بصراحه بحب النوع ده من النساء

عموووووووووووووور
يزعل يا محمود
هههههههههههههههههههه

السلام عليكم ورحمه الله
انا عندي مشكله متلخصه في حاجه واحده
لو انت عايش في جو مشاكل تعمل ايه عشان تخرج نفسك من الجو ده
والمشاكل دي دايما نطاق بين مستقبلك الجاي مع حبيبك وحاضرك مع اهلك
ياتري هتختار مستقبل لسه متعرفهوش مع حبيبك ولا هتختار حاضر في طاعه اهلك
ولوحد قالي حاولي توفقي بين الاتنين هؤله مستحيل مقدرتش انا هانت عليا نفسي كتير عشان اعمل كدا
قربت من ربنا وبعمل اللي في وسعي في العباده رغم ان لوحتي عملت كل حاجه برده مقصره في حق ربنا
ملقتش ليا جليس غير النت انزل موضوع ارد بقت حاجه ملل معرفش كلمه غير يارب خليك معايا
محتاجه رد مقنع او دعوه صالحه
والسلام ختام

بما ان الاختيارين متناقضين

ومستحيل التوفيق بين الاثنين

يبقى لازم نضحى بحاجه من الحاجتين

او نحاول التوفيق فلا يأس من فرج الله ورحمة ربنا

ممكن الانسان يحب واحد واتنين

بس مش ممكن يكون ليه اهلين

الانسان بيتولد بأب وام واحده

لما خيروا حكيمه من حكماء العهود السابقه

بين الاخ والزوج

اختارت الاخ

الزوج ممكن بكل سهوله يتعوض

بس معتقدش الاخ يكون كده

كتير ناس بيحبوا بعض وسرعان ما يفشلوا فى حياتهم الزوجيه

نسبة الفشل فى الزواج عن حب او زواج الجامعات

زى ما بيسموه

ياعنى واحد يتعرف على صاحبته ويحبها ويتجوزها

نسبة الفشل 60% من ذلك النوع

مع انك لو ميلتى على اى طرف منهم قبل الزواج

احنا الاتنين مخلوقين لبعض وبالمقاس

وهو يقول وهى تقول......

من الساهل الانسان يتخدع فى مشاعره

بس من الصعب يتخدع فى اهله

الزواج التقليدى اللى بيراعى فيه الاهل الشروط

اللى علمتهالهم خبرة الحياة

بيكون انجح مشروع زواج

ماعتقدش ان حياتك هاتكون سعيده مع مشاكل اهلك

لما تروحى تحسى انك فى بيت اهلك غريبه

الانسان لازم يحط احتمال خطأه لابعد حد

مش لازم يحسس الناس ان كلهم خطأ وهو صح

عن تجربه شخصيه بانقلهالك

عمر الاهل ما بيجتمعواعلى خطأ

مهما كبرنا صغيرين ومحدودينجدا فى تفكيرنا"ده انا"

متحاوليش تبدأى حياتك بمشاكل

لسه على اللون ده بدرى

اعتقد انا بتفكيرى باخلق الجو اللى انا عايش فيه

تقبلى وجهة نظر واحده من عقلية واحده تحتمل الصواب وتحتمل الخطأ

ايه يا مدير الكلام الجامد ده

كلامه صح يا زهرة واعملى بنصيحته

خبر هام لكل الاعضاء والمشرفين

فى دكتور نفسى فى المنتدى

شكرا جزيلا يا مديرنا العزيز

مديرنا بقى محلل نفسى

ايه الكلام الفظيع ده يا دهشان المفروض محدش يتكلم بعد منه خلاص كده
وانا مع محمد في كلامه وياريت تعملي بنصيحته

بصراحة بعد كلام محمد مفيش كلام يتقال هو فعلا دكتور نفسي ياريت تعملى بنصيحته يا زهرتى وربنا يعينك

صعب يامحمد
انك تعيش الموقف غير انك تحكم بيه بكلام
لما تلاقي كل حاجه كانت كويسه ومهيئه لحياه جديده وكله فرحان بكدا
وفي لحظه من غير اي سبب ولا انت عارف في ايه تلاقي كله انقلب
وبقا ضددك
صعب انك تحكم من غير انك تجرب موقف في انهيار كيان حب وعشق

اظن ان من حقك تعرفى السبب

والا اصرى على موقفك ورأيك

واذا عرفتى السبب وماقتنعتيش بيه

وهما معتقدين بيه جدا ومؤمنين بيه

اظن ان رأيهم هو الاصوب

لانك مش مدركه الموقف دلوقتى فى ظل الحب اللى انتى عايشاه

شارب الخمر يصحو بعد سكرته ...وشارب الحب طول العمر سكران

هاتعييى

هاتضعفى

هاتعيطى

.............

بس لاقدر الله مش هاتموتى

تجربه صعبه

بس انك تحملى نفسك مسؤلية جوازك اصعب

المثل بيقول اللى ملهوش كبير يشتريله كبير

وعن تجربه شخصيه

البنت اللى بترضخ لاهلها فى الجواز

طول عمرهم شايلين مسؤليتها وهمها

وميستحملوش حد يدوس لها على طرف

على العكس

يقولوا احنا اساسا مكناش موافقين عليه

ونعمل ايه

نصيبها وتستحمل

فكرى كويس

فعلا الاهل دايما بيشيلوا هم البنت
ودايما بيكونوا عايزنها احسن الناس
بس خيارين اصعب من بعض
بس الحمد لله بدأت اعيش الحياه وواحده واحده بقت الامور بتهدي
وبقت اكثر تاقلم وربنا يهدي الامور
بس الغريب لما كنت واضحه وصريحه مع الاتنين كانت بتحصل المشاكل لما
كدبت وبقيت عشان اهئ الامور للطرفين واحاول اعيش انا هديت
ليه كده ؟
ع فكره انا بشكرك يامحمد جدا علي ردك وبجد ربنا يكرمك
انك مهتم بالرد وضحت ليا حاجه كنت ممكن تكون غايبه عني شويه
بشكرك جدا وبجد انت اخ الواحد يتشرف بيه

عجبتنى مقوله فى كلام محمد

اعتقد انا بتفكيرى باخلق الجو اللى انا عايش فيه

تقبلى وجهة نظر واحده من عقلية واحده تحتمل الصواب وتحتمل الخطأ

محمد كلامه كتير رائع وده مع اللى عاشه
ولا يجوز ان نقيس على ذلك

فالقياس فى المتغير قياس خاطئ

بس لو فى مقارنه حقيقية بين الاهل والزوج فلابد من ترجيح الاهل
وليس ذلك فى الغالب فكم من قصه حب كانت بين المتناقضين
رفض الاهل وحب الحبيب
ولكن لابد ان تنظرى الى رأى الدين
الذى يقول ان طاعه الوالدين من طاعه الله
الا فى حاله واحده
الشرك بالله
وَإِنْ جَاهَدَاكَ عَلى أَنْ تُشْرِكَ بِي مَا لَيْسَ ل(انا قليل الادب ومش لاقى حد يربينى) بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعروفًا

ربنا يوفقك يا زهره

ميرسي ياساند علي دعوتك ليا بالتوفيق
وربنا يوفقك انت كمان

يا جماعه

عايزين حل
لحاله الملل
اللى مصاب بها الجميع

من المنتدى

يا ريت تفيدونا

الملل احنا اللى بنصنعه بايدينا

ثانيا مفيش ملل

ثالثا يا يحيى انت اللى فاضى ومش لاقيلك شغلانه

اتمنى الاتزان

والاخذ فى الاعتبار ان الملل حاله فرديه...

ارجو تعديل السؤال

نرجو حل لحالة الملل المصاب بها الجميع
هذه الانابه عن الاعضاء تتطلب استفتاء

تقبل خالص تحياتى
وسلملى على الدكتور احمد وقوله محتاجينه بجد معانا هنا

أولا :_ بالنسبه للاستفتاء
أن سألت بعض الاعضاء
ووافقونى على الرأى

ثانيا :_ الملل مش أحنا بنصنعه بنفسنا

اللى حولينا هما اللى يوصلونا
لهذه المرحله

ثالثا:_ فى حاله ملل وركود فى المنتدى
وأسأل أى عضو
رغم أننا فى الاجازه

مش تبص على السبع أعضاء الشغالين

بس على 500 عضو الباقيين

رابعا:_رابعا أنا مش معدل كلام أنا كاتبه علشان هو صحيح
مش خطأ
لو مش عاجبك أحذفه

خامسا مش مسلملك عليه

وهو أصلا كان هيشترك

بس رجع فى كلامه
لما دخل فى أوقات مختلفه
ومش لقى ولا عضو فى المنتدى

وأخيرا
أنا بقولك
أنا حاله الملل دى مش من عندى ولا مؤلفها
دى دى من خلال عمل استفتاء مع بعض الاعضاء
يعنى مش بقول الكلام دى من دماغى

سلام

أيوة يا محمد أنا أحد الأعضاء اللى قالوا لفارس ان في حالة ملل
بليز يا أونكل دهشان عايزين نشاط
المنتدى نايم خالص

كبرت يااااادهشااااااان وبقيت اونكل
لا انا اصغر منك انا لسه شباب
يا عجوووووووووووووز

هههههههههههههههههههههه
مش هو الكبير بتاعنا
وعامل فيها دكتور نفساوى
حل المشكلة دى بقى يا حلال العقد

هههههههههه
ايوة كده يايويو
شغليه بدل ماهو قاعد على النت طول النهار يكلم ......where 're u?
ولا ايه يا عم الحبيب

ميرسي يا محمد
ربنا يكرمك

الموضوع بقى شات
ممكن نغير اسمه
بدل فكره انتيم
نخليه شات الانتيم
ولا ايه
الموضوع ده لحل المشكله فقط
اللى عنده حل يقوله واللى مش عنده
بلاش لحد يزعل

ههههههههههههههههههه

متتكلمش فى السياسه يا ثعلب

ههههههههههههههههههه

انا رفعت الموضوع ده زى ما قلت قبل كده
لحل اى مشكله عند اى عضو بس
ودى مش سياسه يا بوص الموضوع مش شات
ولو الكلام مش عاجب حد ممكن تحزفه خالص
مش كل واحد عاوز يرفع مسهماته وخلاص
مستنى اى كلمه يعلق عليه بأى كلمه برضو
مش ينفع يا عم المدير
تحياتى للجميع
الراااااااااااااااااااايق

الموضوع ده
أهمل ليه يا جماعه
موضوع جميل
عايزينه يشتغل تانى
وأحسن من الاول كمان

وينك يا رايق

انا موجود بس خلاص
يا فارس المنتدى مش بقى قد كده
وتنهض يا دهشان يا متنهضش

ممكن اسأل سؤال واللى عاوز يرد يتفضل يرد

دلوقتى ليه الناس بقت بتخاف من بعض بيحسوا ان اللى قدامهم كلامه كدب ؟

هل دا يرجع لان ثقافة الكذب اصبحت منتشرة فى مجتمعنا ؟

ولا عشان احنا مبقناش نثق فى انفسنا ؟

اللى يقدر يرد يتفضل

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دى إجابتى على سؤالك
أرجو أن تتقبلوها
وتكون صحيحه

أنا من وجهه نظرى
الناس بدأت مش تصدق بعضها علشان...........

أنا هعطى مثال عن نفسى علشان يكون أوضح

من خلال الحياه والمواقف اليوميه
استنتجت أن كثير من الناس اللى بتعامل معهم كذابين
فأنت منتظر أيه منى

طبعا أنى مش أصدق حد أبدا

حتى ولو كان صادقا

فده يرجع الى

انتشار الكذب بيننا بطريقه فظيعه

مفيش واحد مننا
وأراهن
أنه مش بكذب فى اليوم
أقل من 100 مره
100أيه أكثر بكثير

فجاوب على
ماذا تنتظر من شخص كذبت عليه قبل ذلك
هل تنتظر منه أن يثق بك
هل تنتظر منه أن يتعامل معك(ولو تعمامل معك هيتعامل بحذر)

فعلشان كده ثقت الناس انعدمت بينهم

دا رأيى
ومش عارف
هل جانبنى الصواب أم لا

شكرا على طرحك هذا السؤال
صديقى العزيز

ساند لاند

كلامك كله صح يا فارس
تسلم

ممكن اسأل سؤال واللى عاوز يرد يتفضل يرد

دلوقتى ليه الناس بقت بتخاف من بعض بيحسوا ان اللى قدامهم كلامه كدب ؟
بص لو الانسان الي قدامي مصدر ثقه فعلا وجاي من مصدر ثقه عمري مااكدبه او اني اشك في كلامه
انا بكلم عني كبنت والكدب زي ماانت قولت مصدره مندر خوف والبنت دايما بتكون
اللي اتربت في بيئه مغلقه او انها تخاف من اللي حواليها خايفه يكون كلامهم فيه كدب فده بيكون
انها مشفتش افعال تسود الموقف وتخرجها من موقف الخوف لثقه والثقه لما تسود
مش هيكون فيه كدب
انا كلامي من ناحيه واحده
ناحيه البنت اللي انا مثلا بمثل عنصر فيها

هل دا يرجع لان ثقافة الكذب اصبحت منتشرة فى مجتمعنا ؟
مين قال ان الكدب صفه وانتشرت في مجتمعنا مش معني انك قبلت ناس كدابين يبقا تلاشت صفه الصدق بالعكس
لو انت كداب هتفضل فاكر انه كله كداب
لو انت مش مصدق نفسك وواثق نفسك عمر مالثقه دي تتنقل للي حواليك
لو كل واحد فينا ركز في عيوبه كويس وعرف يصلحها و
اهمها صفه الكدب اللي بتقول انتشرت اظن انها هتتلاشي
لازم كل واحد يعالج نفسه اولا ثم الاخرين

ولا عشان احنا مبقناش نثق فى انفسنا ؟

ثقتنا في نفسنا قلت لان علاقتنا بربنا قلت
ولما علاقه العبد بربه تقل بتقل السكينه والطمانينه والدفا والذكاء الفطري
الثقه بتيجي ان خلاص علاقتي بربنا الحمد لله في تقدم
ان اعرف ايه امكانياتي امكانيات عقلي وامكانيات لساني امكانيات افعالي
واعرف ازاي هكلم كلمه
لان الكلمه طول ماهي جوايا مخرجتش مني انا متحكم فيها
لو خرجت مني هي متحكمه فيا
ولازم كل واحد يعرف مكانياته ويدرسها كويس يعرف نقاط ضعفه ونقاط قوته
ويشتغل عليها ينيميها
وربنا يعمل اللي فيه الخير

اللى يقدر يرد يتفضل

بشكركم فارس وزهرة على ردودكم
واشكر مشاركتك يا ايهاب

معلشى يا زهره
أنا اعترض معكى فى بعض الكلام

الكذب أصبحت صفه منتشره بطريقه فظيعه فى مجتمعنا

وذلك بناء على دراسات
أجريت بواسطه متخصصين
دا كنت قرأتها فى جريده منذ 6 شهور

ثانيا أحنا مش بنقول
معدش فى صدق
لالالالالالالالالا
فى الخير والشر
فى الصدق والكذب

بس فى هذا العصر
الكذب غطى على الصدق
واصبح الكذب يعتبر سمه من سمات الشعب
اتحد واحد يقولى بيعدى عليه يوم ومش بكذب
حتى أنتى(مع احترامى لحضرتك)

والاختلاف فى الرئ لا يفسد للود قضيه

وأنا معاكى أننا ضرورى لا بد أنا نجد حل لهذا الوباء الفظيع

والحل لن يأتى الابالعوده الى الله كما قلتى

شكرا مره ثانيه
لك يا ساند لاند

انا معاك فى هذا الكلام
الذى ينم عن خبره ودرايه
واشكرك على تواجدك المتميز
انت وا مشرفتنا العزيزه
زهره بنت العم زاد
تحياتى لكم
الرايــــــــــــــــــــــــــــق
ومش حتقدر تغمض عنيك
ووووووووووووووو
والسلام عليكم